Must Read: Had I known [completed] Season 1

Season 7 years ago

Must Read: Had I known [completed] Season 1

At UNN campus, Nkechi is seen sitting on the grass and trying to solve a statistics problem while at another end Chinedu and his 2 friends are seen gisting about the recent Afcon qualifiers match played by the Nigeria super Eagles against the Tanzanians.

Joseph: guys that match tough die
Kendrick: no be small, i been think say that match go just be give away for our team o but the thing no con go as i predict but i still thank God say Kelechi Iheanacho commot the shame for our face if not another Tanzania and Nigeria Twitter fight for happen again o, after naija guys don brag finish for twitter say we go beat them blue-black
Joseph: na true sha but all those our defenders no try at all o, apart from Mikel and Kelechi i no see any other person for that field o.
Kendrick: Wait o, na only us dey here o, Chiboy don reach e village dey chop egusi soup and pounded yam for im mama kitchen (and they both started laughing)

Joseph: Guy abeg close your mouth, before fly go enter your mouth (slightly tapping Chinedu who had left his mouth open while starring at a girl)
Chinedu: abeg make una no vex, where we stop(scratching his head) ehen…those our team fall hand sha
Joseph: (mimicking him) those our team fall hand sha, where your mind been dey all this while
Kendrick: i tell u say this guy been done reach villa, u think say i dey play?
Chinedu: which yeye villa, na that babe wey dey there i been dey look (pointing at Nkechi) omoh, d babe set die, see front nah.


Kendrick: na woman go kill u for this world wey u come.
Chinedu: no be woman bring me come the world? If i die untop dis kind one na heaven direct
Joseph: even ma Bible talk say from a woman you came from a woman you shall go
Kendrick: pastor Joe na u write am there?
Joseph: no be me write am but e dey there
Chinedu: una go stop that una yeye argument abi una go give me inspiration wey i go take go toast that babe
Kendrick: Guy u get money because this kind package na money dey talk
Joseph: no mind am abeg, use dis your fine boy face run your show jare.




Kendrick: look my armpit(raising his hand to show his armpit) no hair there, i no fit talk story o, my hand no dey
Chinedu: why your hand no go dey, u no be my main guy again?
Kendrick: I still be your guy but dis kind girls wey dey get innocent face come package like say tommorrow no dey, talking from experience eh they are not trustworthy
Joseph: guy abeg no mind this enemy of progress, even if u no like this babe eh but with this kind package u fit still chop clean mouth waka.
Chinedu: big joe na u be my main guy nah, no mind dis odoyo here( pointing to Kendrick)
Kendrick: in Taylor swift voice ”don’t say i didn’t say I didn’t warn ya”
Chinedu: mtchweeeew we go dey here dey argue d babe go waka commot… See you later…make i go try my luck..how do i look..
Kendrick: u look like you about to make the greatest mistake of your life.
Joseph: no mind am, u look great.